有數計:畀幾錢先肯停用FB一年?平均價高達$16,000 !

現代人而言,社交網絡可以話係不可缺少,每日接觸嘅嘢,好多人基本上都係上網傾計多過親身同朋友家人接觸,其中當然又以FB最多人用。不過FB對你有幾重要,要你唔用一年,你要幾多錢先肯呢?

呢個研究由美國多間大學合作做出,訪問咗幾千位網民,如果要停用FB一個鐘、一天、三天、一星期,大家要收幾多錢先肯,分別得出嚟嘅結果係,平均美金為1.84、6.01、15.73及38.83 。而再問,如果要你停用一年,又要幾錢?大學生組別之中,平均價錢高達2,076美金;而其他公開組別都高達1,921美金。即係話要人放棄用FB一年,差唔多要成港幣16,000先得。當中甚至有人答要5萬美金!睇嚟FB真係佔咗大家生活中好重要嘅地位呢!