有數計:睡眠時間必須剛剛好 太多太少都會變蠢!

香港人工時長,加上好多人要跨區返工,每晚幾乎都有睡眠不足嘅問題,究竟人要瞓幾多個鐘先對大腦最好呢?最近就有研究公佈咗實際時間喎。

加拿大安大略大學最新研究,搵咗44,000位人士進行睡眠研究,觀察咗佢哋嘅日常生活以及睡眠時間,再仔細分析。經過研究後指出,人體每晚瞓7至8個鐘係最好,大腦可以得到充分休息,令身體保持最佳狀態。但原來好多人以為愈瞓得多愈休息得足,原來係錯架,研究話瞓得太多嘅壞處基本上同唔夠瞓一樣,會對大腦思考力構成影嚮,大腦功能有衰弱、思緒不清等問題。大家緊記,唔好平日返工就唔夠瞓,放假就瞓大半日,寧願平均咁每日瞓8個鐘喇!