有數計:科學家證實 女性跑步完全無助減肥

一聽到啲女人話要減肥,通常緊接住嘅就係話要去跑步。好多人嘅認知之中,跑步做運動就等如減到肥,因為做帶氧運動可以消脂。不過有無諗過,一切都係由媒體吹捧流傳嘅偽科學,其實有無真正嘅科學根據?

近日被稱為健康傳播學兩大學者Craig Ballantyne及Chelsea Ratcliff就出咗一本天書,當中以種種科學,打破跑步可以減肥嘅理論。書中提到唔少論點,當中包括「18,720分鐘帶氧運動,先減到2公斤」、「人類根本唔適宜長跑,所以每周跑4次步嘅人,死亡率比唔跑嘅人高」等等。兩位科學家都認為跑步係費時而且極低效嘅運動,而且對身體各處造成唔少傷害,要減肥就應該要做高強度嘅間歇運動,4至10分鐘一組,唔會好似跑步咁流失肌肉及咁容易受傷呢。