有數計:長命120歲?有錢人比窮人長命10年

呢個世界公平咩?好多人可能會答,上天係最公平,人人最後都係會死,乜都帶唔走,但其實係,有錢人係可以將死期推後㗎!

英國倫敦帝國學院一項調查就2001年至2016年一共765萬位過咗身嘅人士進行身分調查,其中發現住喺最有名窮困地區同有錢人地區嘅人死亡年齡係差好遠,女性嚟講窮困地區嘅人死亡平均年齡為78.8歲,有錢人區則為86.7歲,相差6.1年;至於男性則仲嚴重,前者為74歲,後者為83.8歲,其中相差9.8歲,即係話有錢男士比窮困男士平均長命10年!更嚴重嘅問題係,窮困地區死亡平均年齡更係一年比一年早,意味窮人生活愈嚟愈差,更早死亡。大家可以即管答,呢個世界公平咩?