有數計:飲醉一晚酒 足以長期影響身體DNA!

相信唔使多講都知飲得太多酒係對人體健康唔好,但好多時為咗慶祝或者特別活動,間中諗住飲到酩釘大醉,諗住一晚半晚無所謂,第日瞓醒酒醒咗就無事哩?錯喇!最近研究指出,哪怕只係飲醉一晚,足以造成長期影響!

美國密蘇里大學醫學院最新研究,只要飲醉一晚,第二日就會因為宿醉問題導致睡眠不足,身體會要求繼續灌酒以製造睡眠,導致惡性循環出現。研究搵白老鼠試驗,只要灌咗酒,老鼠調節睡眠嘅DNA就會改變,導致睡眠周期紊亂。而對於人類嚟講,大概4杯紅酒嘅酒精量就足以造成類似嘅影響,並非一定要飲大醉先會。睇完呢個研究,仲敢唔敢抱住「偶然飲下無問題」呢個諗法呢?