有數計:26%人覺得同減肥朋友食飯好麻煩

減肥係唔少女人掛喺口邊嘅目標,但實際上都有分有幾Hardcore嘅,但原來經常將「減肥」掛喺口邊嘅人,反而通常都唔會成功減到肥,而平時唔出聲話減緊肥嘅人,更容易瘦落嚟,點解呀?

根據外國雜誌《Obesity》一項調查所知,因為成日話要減肥嘅朋友,係會對其他朋友造成壓力,超過26%受訪者覺得同減肥嘅朋友聯誼係好麻煩嘅事,唔單止因為食乜都唔得之外,佢哋脾氣仲特別暴躁,所以不接觸為妙。亦因為係,唔少減肥嘅人士開始愈嚟愈少朋友,反而導致佢哋失去埋支持同鼓勵,最後減肥會失敗。其次就係,原來有部分朋友,竟然會唔抵得有人減肥,反而想引誘佢哋食嘢,實行「要肥一齊肥」,所以同時會導致減肥人士失敗。