有數計:4成人分手因為「另一半冇咁靚」 僅2成第三者感愧疚

一段感情嘅結束可以有好多原因,但有調查發現,原來唔少人分手係因為覺得對方外表或者性格唔再吸引,或者係因為搵到更加吸引嘅人而選擇出軌。

早前有交友配對公司做咗一個調查,訪問咗500名男女,發現接近30%人曾經一腳踏兩船,當中40%出軌原因係因為另一半外貌唔再吸引或者已經覓得新歡。更加驚人嘅人有16%受訪者認為出軌無須感到愧疚,77%人則擔心出軌會被另一半發現,不過有成34%人話如果被揭發會選擇同第三者一齊。若然被揭發出軌嘅話,48%人唔會即時承認。

調查顯示,35%人曾經做過小三,過半人認為唔甘心所以選擇介入人地感情;32%因為對方給予假希望所以選擇繼續;30%人表示想追求刺激。但眾多曾經做過小三嘅受訪者當中,僅有2成幾人對此咁對內疚。

調查結果出爐令唔少人大跌眼鏡,認為新世代嘅愛情觀有啲扭曲。無論係已經有穩定伴侶定係未拍拖嘅你,切記要認真對待感情,尊重自己嘅伴侶。