【有片】京都市政府宣傳片 肥喵做主角超高質

Reika

京都雖然係旅遊熱點,不過選擇居住嘅話,越嚟越多日本人會選擇東京而唔揀京都,喺日本全國最吸引城市嚟講只係屈居第三。為咗吸引更多人居住,京都市最近怕咗一系列短片,仲搵咗隻叫Uni嘅喵星人做主角介紹京都嘅特色。例如其中一段片影隻喵反晒肚碌嚟碌去,目的係話京都嘅生活好平靜。另一段片就拍攝隻喵摷櫃筒,究竟想宣傳京都啲乜?入嚟有片有講解,宣傳片仲搵咗倉木麻衣唱背景音樂,推介。

段宣傳片話京都嘅救護車到達時間比日本嘅平均時間要快。隻喵就話:點解我可以展示我嘅肚腩?因為喺京都嘅生活令人好安心。

另一段片講:你係咪唔諗住食咗佢?太浪費了!然後就話京都市就算貓仔都可以幫助解決食物浪費問題,宣傳呢個城市對浪費食物嘅關注。

另一個吸引人住京都嘅原因,係當地嘅高水準幼兒學校,佢哋嘅教師薪酬比起國家水平高出1.4倍,影片就見到隻喵扮緊當地教師,悠閒咁喺櫃筒摷緊學生嘅功課薄。

好多廣告都有倉木麻衣嘅背景音樂,你睇隻喵飲水飲得幾開心?係咪好想搬去京都住先?

 

想即時睇到更多日本文化、ACG、網絡最新資訊,請即加入facebook!
https://www.facebook.com/GameoverHK