【有聲有畫!】古天樂人妻Kay激罕浴室合唱拍MV 麥浚龍新作《(一個男人)一個女人和浴室》 狂派驚喜

Cosmopolitan.com.hk

古天樂那些年唱過嘅《今期流行》、《男朋友 》對唔少人嚟講係青春回憶,久唔久都鍾意提一提、唱一唱再笑一笑,但對於原唱者古生嚟講, 就彷佛係「黑歷史」一樣,,莫講話要佢開金口再唱。不過自認唔係歌手材料嘅佢竟然為出麥浚龍出山,  仲同人妻Kay謝安琪嚟個激罕合唱《(一個男人)一個女人和浴室》兼喺浴室拍MV,粉絲超驚喜瘋狂洗版留言 ,就連張繼聰都有份抽水,表示歡迎老婆同男神合體!

▲ Cosmopolitan.com.hk
▲ Cosmopolitan.com.hk

2015年一首《念念不忘》撮合麥浚龍同謝安琪,兩人合作爆紅,相逢唔恨晚 ,佢地近年更密不可分,一齊搞年度企劃,先後推出《人妻的偽術》、《勇悍·17》及《一個女人和浴室》等歌曲,更以董折、浦銘心兩個角色演繹概念MV,歌迷勁Buy!而家仲要有男神級嘅古天樂玩埋一份,當然成功引起熱話。

▲ Cosmopolitan.com.hk

麥浚龍同謝安琪日前舉行演唱會,當晚率先流出古天樂剃鬍的MV片段先吊住大家胃口,觀眾大感驚喜,更紛紛表示期待佢再開金口兼與謝安琪的合唱及合演。 

▲ Cosmopolitan.com.hk

古天樂所飾演的藍定凌以浦銘心嘅第二任老公登場,與謝安琪合唱《(一個男人)一個女人和浴室》兼拍MV。

▲ Cosmopolitan.com.hk

另一重點當然要放喺古天樂嘅歌聲上啦,相隔多年依然保持唱「男朋友」  嗰時嘅水準,有人啱聽,有人就叫晒救命。 不過呢次個作擺到明係以噱頭行先,古天樂唱得好唔好聽都係其次。 

▲ Cosmopolitan.com.hk

麥浚龍今次割愛將女拍檔謝安琪讓俾古天樂,男神遇上女神,意料中合襯。

▲ Cosmopolitan.com.hk

 古天樂早前參演由麥浚龍執導的新戲《風火山林》。 兩人惺惺相惜、互相欣賞更一拍即合。 古天樂重歸樂壇就係因為信任麥浚龍嘅眼光同創新。 

▲ Cosmopolitan.com.hk

古天樂信任麥浚龍眼光, 不過就講到明點都得, 要佢唱Live就一定唔得!

▲ Cosmopolitan.com.hk

首歌叫得《(一個男人)一個女人和浴室》,沿室畫面當然唔少得!

▲ Cosmopolitan.com.hk

「叫得Louise果D都係猛」小編表示認同! 如果遲下可以有埋張繼聰加入呢個Project,3男1女Crossover,可觀度一定再大大增加!

推薦閱讀:

【天命最高!】神劇《尋秦記》落實搬上大銀幕 古天樂 宣萱 林峯鐵定出演

【回顧影帝黑歷史】容祖兒翻唱《今期流行》邀古天樂搞笑客串!

女神回來了!人妻謝安琪fit爆回歸



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK