未結婚就不能做!提防同居5大忌 勿中分手魔咒

Cosmopolitan.com.hk

時代唔同,有唔少人都覺得結婚只係一張證明,別無其他意義;於是,兩個人只係搵個地方住埋一齊,過住「無名有實」的同居生活。事實上,筆者同幾位現在/曾經有過類似同居生活的朋友傾過,都話如果真係要同居,以下的事情千祈咪亂做!

▲ Cosmopolitan.com.hk

同居大忌1:實行共產制 - 開聯名戶口及買樓

「共產制」呢個字好broad,最基本的例子包括一齊買樓(別係聯名買)同開聯名戶口。搞共產,關係和睦的時候問題不大;但當關係出現變卦,事情就唔係其中一方搬走就可以解決咁簡單,因為同居關係並無婚姻關係在法律上所賦予的權利同規則,要處理極耗心力時間。

▲ Cosmopolitan.com.hk

筆者自己的第一大戀愛法則係,要財政獨立,盡量唔好同對方有金錢瓜葛,就算有幾大的錢銀煩惱,都寧願外求。對方一日未係老公、老婆,都唔會麻煩對方,無謂令錢銀成為日後爭拗的導火線又或者「唔分得手」的原因。

 

▲ Cosmopolitan.com.hk

同居大忌2:跟對方屋企人同居

朋友J同女朋友一齊十年,已經準備談婚論嫁。男方太孝順,堅持要同媽住;女方太天真,結婚前半年到男家屋企玩「婚前同居練習」,結果未來奶奶堅決「彈鐘」,分手收場,連預先訂好的酒席都要取消。

▲ Cosmopolitan.com.hk

如果對方堅持與家人同居,明知婆媳不和而不讓步,那是他尚未夠愛你。結婚是兩個家庭的事;但同居只是兩口子的事。婚前選擇同居,不止因為重視二人世界,也要避免對方家人破壞兩口子感情。朋友J的例子,正正因為兩人未結婚,所以寧願聽媽媽話分手收場;假如婚後才跟對方屋企人同居,斷估都會想盡辦法磨合解決,未至於讓10年情流逝。

 

▲ Cosmopolitan.com.hk

同居大忌3:俾鎖匙家人

私隱!私隱!私隱!太重要,講三次都嫌少。

無論你同家人關係有幾好,或者只想家人幫你執屋,比俾鎖匙屋企人都係一個大忌。人實在有太多生活習慣,唔會想顯露俾唔熟的人知道,更加唔會想俾人指指點點。何況你們只是同居情侶關係,不是完全融入了對方家庭,哪有藉口配鎖匙俾家人?

 

▲ Cosmopolitan.com.hk

又或者好似啲劇集咁,當你同對方親熱時,突然「外母」殺到!因為咁而成日提心吊膽,同居又有咩意義呢?

 

▲ Cosmopolitan.com.hk

同居大忌4:生小朋友

無可否認,一紙婚書始終有佢保護家庭完完整整的能力。如果你想同居、唔結婚,又想生小朋友的話,請問自己一個問題:你想BB將來叫你另一半做做爸爸定Uncle?

如果你真心為個小朋友身心健康著想,希望佢可以在一個健全的環境成長,真心建議,一係結婚,一係繼續同居過二人世界好了。

 

 

▲ Cosmopolitan.com.hk

同居大忌5:以為同居可幫愛情保鮮

Case by case,同居者未必會同意呢一點。不過經驗之談,唔少人同居得耐,個人的生活細節已經表露無遺,無曬想像空間,又或者只剩低對對方的不滿。漸漸,對方由愛人變成家人,完全失去心跳感覺。你有你淘寶,對方有對方打機。

 

▲ Cosmopolitan.com.hk

筆者的朋友同中學時期開始一齊的女朋友買樓同居,但遲遲唔結婚。兩個人相處太耐,太習慣對方的存在,就算同居都只係各自修行,結果男方在職場遇上第三者,賣樓分手收場。

有人覺得,婚姻將段關係責任化太死板,同居可以令大家都有心去為關係保鮮。筆者覺得絕對唔Work。想為愛情保鮮,從來唔係靠形式,而係靠心態。假如想用同居試婚,就要通過這 6 件事,證明你們可以過一輩子!

推薦閱讀:

同居加速分手?12星座愛情分析

想關係更親密?同居前要考慮的6個現實

獨居、同居不如共居!單身女共居有乜好?



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK