林芊妤自爆已低調完婚 公開甜蜜結婚晚宴相

Kiss - 熱話

現時28歲的林芊妤(Coffee)早前宣布意外懷孕,並會與圈外男友翟志榮(Weng)入紙結婚。昨日,Coffee就上載多張結婚晚宴相上個人社交網,自爆已低調完成結婚儀式,並留言寫下結婚感言,感謝一眾親友出席!

撰文:東方新地|圖片:Facebook-林芊妤 (原文刊於:東方新地

延伸閱讀:

【親子餐廳】親子友善純素食餐廳吃玩買 夢幻系用餐區 X 兒童玩具角 X 純素超市

【親子好去處】香港10大靚景沙灘2018!一級水質+隨時撞到明星!

林芊妤自爆已低調完婚 公開甜蜜結婚晚宴相

今日,林芊妤喺個人社交網分享多張結婚相,原來早喺昨日佢同圈外男友翟志榮(Weng)已經入紙結婚,並完成結婚儀式!相中見Coffee著上一身白色露背貼身長裙,設計非常簡約。企喺老公身旁嘅Coffee展露出做人妻嘅喜悅笑容,而一對新人望落亦十分登對!

穿起貼身款式長裙嘅Coffee睇落一啲都唔似已陀住5個月肚,腰位依然冇凸肚!

據了解,Coffee昨晚於港島一間酒店低調舉行婚宴,僅筵開三席,及只邀請至親好友出席,而Coffee與翟志榮簽紙後向在場賓客說:「今日現場所有人都是我生命中最重要的人,我最好的朋友,我的屋企人,咁就夠喇,覺得這個對我是最好的wedding。」

簽紙都簽到要挨住老公,認真開心!
大家都笑到見牙唔見眼!
兩公婆甜蜜互動!

除上載多張婚宴相外,Coffee更留言大爆自己陀住嘅BB係個男仔,指:「婚禮也在愉快和笑聲中完結,最遺憾是沒有請我的朋友們,希望你們會體諒我喔,待我的兒子出世時再宴請你們。」

大肚林芊妤 首晒婚紗相

原來唔多想影婚紗相,留言自爆:「以前經常穿婚紗去活動和拍照,而我對婚禮又沒甚麼憧憬,所以本來連結婚相也不想影,但想留個紀念所以還是要拍,我卜大們倆都當是例行公事,不夠半小時我們就覺得無聊了,只顧想着下午吃甚麼好,像兩個小朋友去公園玩那樣,反而要感謝攝影師的堅持,令我們能順利完成拍攝,謝謝我Sis為我弄的花兒,很美。」


其中一張Weng將懷有身孕的Coffee倒吊,動作認真大膽,睇見到覺得「牙煙」,不過Coffee就笑得好開心!

陀B玩浮潛 網民戥佢驚|Coffee:停下來應該不太健康⋯

上周Coffee就同肚中BB仲有未婚夫去咗旅行歎世界,不過佢唔止走去健身室玩跑步機,仲去游水同玩浮潛,唔少網友話這個孕婦太活躍,唔少人都戥佢驚,紛紛叮囑佢要小心,但當事人話直言未有BB前的確做很多運動,所以「要我突然全部停下來應該不太健康」!


大肚婆開始冇記性

唔少孕婦陀B後都易唔記得嘢,Coffee都唔例外,她說:「為什麼我越來越沒記性呀,這旅程本是我為他安排的生日禮物,旅程一開始還自覺不錯,自滿訂機票和酒店訂得很好,但我剛剛發現要出席的公開活動,原來是在週六而不是星期日!!!我真的覺得自己很大頭蝦,打算轉或買機票提早回香港,但是週五大部分內陸機也滿座,最後還是要他來收拾爛攤子,在56k的WiFi速度下,上網找航班和取消酒店預約,突然覺得他挺有用的」


Coffee話:「以為我游完水呢,其實我仲未有機會落水,但係搭船已經淋雨淋到濕晒,到左後好似開始無咁大雨啦,不過太大浪我未敢落水」


Coffee陀緊B仔,但咪以為咁就冇泳衣相睇,皆因就算大住肚4個幾月,佢都仲去旅行大玩浮潛,真係藝高人膽大!


林芊妤陀住BB玩跑步機

之前,陀B四個幾月的Coffee就去咗旅行,並於個人社交網上載多段短片,其中一段片中,見佢喺跑步機上慢行,而未有快跑。

林芊妤

但Coffee全副「武裝」上陣,面帶笑容嘅佢着住一身運動裝,大晒驕人事業線,兼露出一大截小蠻腰!

林芊妤

身材弗爆嘅Coffee繼續唔見肚。

林芊妤大騷纖腰

而另一段短片中,Coffee就話自己着到以前着唔落嘅短褲,其後更拉起上衣大晒肚皮,但仍見腹肌依舊存在!

雖然話著得番以前著唔落嘅短褲,但望住Coffee又唔覺佢身形有任何變化。

林芊妤手戴婚戒

其後,佢更分享咗張手戴鑽戒嘅相片喺個人社交網上,大哂即將做人妻嘅期待同幸福感,唔知張相係咪出自準老公之手呢?


林芊妤胎教影響強勁

早前,Coffee喺個人社交網上載咗張BB超聲波相,可能媽咪胎教太有效,令到bb喺媽咪肚入面都識得做瑜伽!喺相中見到,就算bb而家只得4個幾月大,但就已經腳仔長長,仲要做出一個類似「打關斗」嘅姿勢,真係遺傳哂媽咪熱愛做瑜伽嘅基因!


林芊妤預產期為11月

Coffee之前接受傳媒訪問,表示今次雖然係意外懷孕,不過佢自己同準老公都好開心,雙方家人都好高興,而預產期為11月。

大肚教瑜伽

Coffee一向喺社交網站十分活躍,經常上載靚相大晒弗爆身材,之前佢戴住口罩自拍,表示病咗仍繼續教瑜伽班,難怪bb都一樣咁勤力,而家喺肚都會同媽咪一齊做瑜伽。

延伸閱讀:

【親子好去處】赤柱 | 赤柱正灘泳灘 (加慢活赤柱遊)