樂觀人士壽命比悲觀人士最多長15%

如果有人問你係咪樂觀,相信你可以即刻答出「係」或者「唔係」;唔同好多其他個人問題,呢條問題大家應該可以即時答到。的確,好奇怪人類好似被二分為樂觀同悲觀,基本上大家可以好肯定講到畀人知自己係唔係樂觀。不過好多人以為樂觀與否只係影響自己處事或者個人心情;然而研究發現樂觀係可以延年益壽㗎!

美國波士頓醫學院就做咗一項研究,收集咗兩組人資料,分別係樂觀及悲觀;對比一下兩組人健康情況及運動、吸煙、飲酒等習慣。結果發現排除晒飲酒食煙等元素之後,樂觀嘅人壽命平均比悲觀嘅人長11%至15%!研究人員指出,樂觀人士壓力指數較低;而壓力已經係科學證明會對人體健康造成極大影響,例如容易患癌症、心血病等。研究又指出,樂觀嘅人善於處理及解決問題,而且比較主動,面臨問題時亦會較冷靜面對,亦能有效控制自己情緒。凡此種種都可以減低人體嘅壓力,從而得到健康。今日開始,悲觀嘅人或者可以令自己樂觀啲,起碼贏到嘅壽命!