沉迷做運動會導致蛀牙 原因竟然係咁?

運動員嘅形象都係非常健康,而且好注重個人衛生;不過原來大部分運動員都有或多或少嘅蛀牙問題,究竟原因係咩?大家係咪以為佢哋沉迷訓練,唔注重口腔健康,錯!英國一項研究就詳細解析出當中原因。

英國倫敦大學向352位英國運動員進行研究,當中發現佢哋每日都刷兩次牙,而且亦會用牙線,但當中竟然有一半運動員都有蛀牙,比同齡人士高出33%。而且運動員普遍都唔食煙,於是排除埋呢個元素,咁真兇係咩呢?研究人員就發現,當中有87%人會飲能量飲料、59%會食能量棒、70%會食能量香口膠。呢啲用品全部都係高糖份食品,為咗快速補充運動之中流失嘅體液。由於全職運動員每日大量訓練,同時要不停進食呢啲高糖份食品,最後造成蛀牙問題!嗱,各位就算非全職運動員,平日做運動就盡量避免食呢啲食品喇!