浪漫過頭?老公再求婚 女網民放閃遭恥笑

係女人都鍾意男人浪漫,就算口裡幾唔承認都好,但只要男人為自己炮製浪漫,內心都一定甜到爆。日前有人喺討論區分享,話自己有位女性朋友,去年結婚,今年老公同佢去巴黎慶祝結婚一周年,竟然失驚無神炮製驚喜,就係於巴黎鐵塔下再求婚!老婆當然既驚且喜,更開心嘅係老公求婚竟然再送一隻一卡鑽戒!原來老公話覺得自己之前求婚唔夠準備得好,於是趁機會再求一次婚。

網友反應兩極,有網民當然覺得好Sweet,認為一個肯為自己浪漫嘅男人一定係好男人;起碼有下過心機,對男人嚟講已經好難得。不過亦好多人覺得咁係嘥錢之餘,都唔係好合常理,因為結咗婚無理由再求婚,咁豈不是要再結婚?啋!所以唔少人都話與其再求婚,不過另外送禮物或者準備其他驚喜好過啦!

其實呢種再求婚嘅動作,某程度上都係放閃,等大家覺得自己老公結完婚仲咁Sweet,叫大家羡慕;但你話人葡萄又好、酸又好,再求婚呢件事本身真係有啲Odd,大家又覺得係咪呢?