港女講日:好難為情!日本妹票選「十樣男朋友不能看的東西」

情人眼裡出西施,不過對住意中人,都總會想佢睇到自己最完美一面。日本節目「ランク王国」早前去到涉谷街頭,訪問時下潮流女生,了解一下女生們10樣最唔想畀另一半睇到嘅係咩。

10.筆記簿

唔係個個女仔寫字靚嘛,字醜係幾尷尬嘅…

9.追星

男人唔會想像到,迷妹見到男偶像可以有幾癲…

8.化緊妝時

魔術師係唔會畀人睇穿佢點變魔術…

7.手袋入面

手袋好似睡房嘅縮影,打開見到係乾淨整齊定亂七八糟,大概估到女仔間房係點…

6.瞓覺嗰樣

女人睡相,男人想像係睡公主咁靚,現實就係個嘴半開合、流口水、反白眼….女神崩環呀!

5.舊相

特別學生相、畢業相,又或者青春期滿面油光粒粒嘅相…人人都有過去好嗎?

4.素顏

女人連化緊妝時都唔想畀人見到,更何況係赤裸裸嘅素顏?

3.對話記錄

女人總會同閏蜜們呻吓男友有咩唔好,又或者講吓八婆嘢,當然唔好畀另一半知啦。

2.手機相

因為成部手機都係自戀selfie!?

1.睡房

就好似頭先講手袋咁,睇睡房佈局就知主人性格,好多女仔間房係見光死呢!

圖片來源:電影《螢之光:羅馬嫁期》劇照