港女講日:戀愛觀大不同!1997~2017年日本DK生活大回顧

之前日本網站エキサイト為慶祝20週年推出回顧《日本女高中生20年流行史》企劃,於twitter做成好大回響。講完JK,終於到DK(男高中生),再度由作家伊藤紺及插畫家ery合作,將近20年男高中生生態用插畫表達出來,唔知大家又係邊個年代呢?

1997~2001

中分長髮、黝黑皮膚,崇拜偶像係木村拓哉。週六日在朋友家睇漫畫《男兒當入樽》。心儀對象係好似安室奈美惠咁可愛嘅女生,每個星期都要同女友影貼紙相。將女友送嘅香水當寶,有收集銀飾嘅習慣。

2002~2006

頭頂用髮蠟gel到蓬鬆,校服著得越烏搲越型,褲低腰到見到底底都冇問題,甚至要刻意露出來。約會著T恤配背心外套及牛仔褲,唔戴手錶用手機就夠。手上戴與女友在迪士尼樂園買嘅情侶皮手鍊。每日簡訊過百條,當中一半以上都係女友訊息。用哥哥唔要嘅MD來聽歌,但其實最想要係iPod。

2007~2011

份量感短髮加漆皮運動袋,戴腳繩著船襪,用噴霧髮蠟FOG BAR整理頭髮。理想女生類型係北川景子。便服以清爽休閒嘅UNIQLO為主。休息時間玩任天堂3DS,喜歡樂團係RADWINPS。隨身帶兩部手機,與女友用WILLCOM聯絡。

2012~2017

韓系打扮大流行,個個都係oppa髮型,校服整齊企理,返學用背囊。Casual wear以街牌為主,常著衛衣、波鞋。同女生一樣咁鍾意selfie,拍拖會去文青cafe,生日時會收到女友親手做嘅爆炸禮物盒。

總結而言,校服穿搭變化冇JK咁明顯,反而戀愛觀及生活模式就有唔少改變。97-01年DK係肉食男,蒲夜店、聯誼相睇、搭訕咩都做齊。02-06年拍拖都會同女友AA制,到07-11年開始草食化,比起拍拖反而想將時間用喺保養自己身上。12-17年社交網站盛行,戀愛交往變得更公開,profile pic係與女友嘅合照甚至係情侶影片。 

圖片來源: twitter.com/itokonda