港女講日:迷暈男人!日本妹學做「小惡魔女生」4大秘訣

大部分男人都話理想對象要可愛、有天使氣質,哼,其實個心入面覺得帶點挑逗嘅壞女孩超有吸引力!最近日本網站Livedoor請500位男網友票選「20~30代女藝人中,最懂男人心的小惡魔女星」,第5至第2位分別係廣瀨鈴、Rola、紗榮子、澤尻英龍華,至於第一位,非石原里美莫屬!

究竟石原里美有咩小惡魔魅力,俘虜一眾日男歡心呢?港女們係時候學返兩招,做個天使惡魔混合體!

1.性感豐唇

厚唇好易與性感扯上關係,男人對於擁有豐厚水嫩雙唇嘅女士們總係充滿幻想,會有好想錫落去嘅衝動,尤其係擦埋紅色唇膏之後,簡直令男人難以招架!

2.純情深髮色

石原BB由出道開始就keep住一頭招牌長黑髮,就算近呢幾年都只係會染深啡色,將頭髮微捲,都係最受男士歡迎嘅髮型呢。

3.身材唔會過瘦

石原BB身高157公分、體重45公斤,嬌滴滴令男人好想保護佢!三圍係32、25、35吋,小蠻腰、蜜桃臀加長腿,應有肉嘅地方就有肉,完全係男人最鍾意嘅身型!

4.自然妝感

雖然大家都叫佢「小妖精」,但石原BB唔會濃妝豔抹,好少見佢smokey eyes加厚妝示人,反而眼唇強調自然妝感,令肌膚望落柔嫩有光澤。

5.甜美笑容

好多女仔好在意形象,唔係怕「笑得多有皺紋」就係怕「露齒笑唔靚」等,搞到笑得尷尷尬尬唔自然。學吓石原BB笑到雙眼瞇成線,甚至不經意地誇張大笑,令男人覺得有種好易親近嘅感覺。

圖片來源:石原里美寫真集《encourage》