港女講日:快狠準!日本女生9大閃婚特質

28歲日本人氣女星桐谷美玲,上年年尾被雜誌踢爆與富士「月9」劇《有喜歡的人》嘅29歲男拍檔三浦翔平拍拖,自從舊年12月上映嘅電影《リベンジgirl》後一直都冇安排新工作,八卦雜誌《週刊新潮》推測桐谷好有機會與三浦翔平閃婚,順便以結婚作為離巢藉口,脫離人稱「黑心事務所」Sweet Power嘅魔掌。

曾幾何時,結婚要過五關斬六將今時今日,多得中港台日女星輪流真人show,令閃婚變成潮流!呢種新世代戀愛形態,並唔係明星先至可以咁任性,不如check check自己有冇以下閃婚特質。

1.單身太耐

單身時間越長,自信心越低,擇偶要求亦唔敢定得太高,難得遇到個事業算穏定/高過自己/髮線冇後移/唔係大肥佬…已經覺得執到寶,好想將男人私有化。

2.七年之癢情傷

經歷過愛情長跑,可惜與對方無疾而終,真係好hurt。好難先至開展第二段情,因為試過馬拉松式交往,明白拍拖唔係「持久」就等如「永遠」,對的時間遇上對的人,根本唔關拍拖時間長短事。

3.治療情傷

女人都係好勝,被男人狠狠傷過後,當然要表現得「活得比你好」,所以遇到Mr Right唔會拖拖拉拉,要比前度快結婚,令佢後悔。

4.財政獨立

洗幾多錢自己話事,唔駛倚賴另一半,都可以自己買樓、食得好住得好,當然可以話嫁就嫁!

5.恨生仔

有仔趁嫩生,為咗生個肥肥白白嘅BB,邊個女人想做高齡產婦,所以有得嫁就要快啲嫁。

圖片來源:ig@mirei_kiritani_