港女講日:日妝vs韓妝?日韓妝容4大差異

近年韓風盛行,畀你揀,你又想做㗎妹定韓妹?佢哋有咩令你羨慕嘅地方?

早前韓國網站Dispatch做咗個調查,訪問日本人覺得韓國人有咩特色最令人羨慕,包括棚牙整齊、體味唔明顯同埋平均身高偏高 3 大點。

個人覺得日本虎牙妹好cute好清純,不過韓妹條長腿又真係幾殺食!不如打和啦,super!其實兩國文化大不同,各有優勢,好難比較邊個好啲,就好似日韓妝容,一樣係各有特色!咩話?分唔清日系韓系妝容?以下即刻同你比較一吓有咩分別:

1.整體妝容

日:粉嫩夢幻,比較強調五官立體感。注重眼部化妝,尤其係眼線及睫毛。當然胭脂一定要有,整體感覺甜美可愛。

韓:以通透、自然裸妝為主,主要凸顯五官輪廓,睇落似素顏,但實際上非常細膩淡雅。

2.眉形

日:眉型多以弧形細眉為主,習慣勾出眉峰,強調女孩子應有嘅形象。

韓:多以平、略粗形狀為主。

3.胭脂

日:要突出可愛系妝感,最簡單亦最重要就係搽胭脂,橘色、粉色系胭脂同樣受日本妹歡迎。

韓:唔會強調可愛,反而追求自然,韓妹其實好少搽胭脂,最多都係淡淡上一層,顏色偏好粉色感。

4.眼線

日:日本妹本身好多都係大眼妹,有時會用眼影取代眼線功能,眼妝並唔太着重眼線。

韓:眼線對韓妹非常重要,特別鍾意眼尾勾勒上勾線條,令眼睛變得更有神。

圖片來源:http://mouda.asia