港女講日:賤男無誤!日本妹票選年度渣男2017

2017又到尾聲,唔少媒體準備大事回顧,日本妹亦係呢一兩個月開始,於Twitter發起新tag「#クソ男オブザイヤー2017」(#年度最強渣男2017),數臭呢一年男友有咩賤格衰嘢,雖然唔知幾多成係真,不過點都要精選10個「精彩」案例同大家分享吓!

渣男案例1:

「本身與獸醫男友已有結婚打算,成日同我講好多甜言蜜語好似『你好可愛♥最鍾意你♥』,點知當發現女友的子宮有可能有事後就同我講『突然唔鍾意你喇』…」果然禽獸不如!

渣男案例2:

「當時嘅老公原來由我大肚時就一直搞外遇,生仔時雖然有嚟醫院探一探我,但係好快就閃人,之後先知小三就喺同一間醫院隔兩間房,我哋仲只係前後差一日生BB!」呢位先生好忙喎探仔都要一日趕兩場!

渣男案例3:

「男友話唔會同我屋企人講『請批准我哋兩個結婚』,除非我老豆低聲下氣同佢講『請接收我個女』,唔係就唔同我結婚。」結婚前睇清楚男友真面目,恭喜恭喜!

渣男案例4:

「發現男友同ex曳曳時都唔戴套,問佢如果女人大肚點算?佢好理直氣壯咁講『嗯…呢個問題係我要擔心架咩?』」嗯…我祝你一世都冇仔生!

渣男案例5:

「去探男友老家時,佢屋企人邊喊邊細細聲同我講『唔好同佢一齊呀,呢個人靠唔住架,快啲飛咗佢,我哋就話冇得揀啫,都唔想再多一個人犧牲』,我被佢哋嘅誠實打動咗!」估唔到連渣男家人都睇唔過眼…

圖片來源:www.pakutaso.com