港女講日:Boyfriend Style!潮著男友衣櫃內4件單品

「千年一遇美女」橋本環奈長大了!2月3日啱啱慶祝完19歲生日,近日官方Ig發出慶生後第一個po-為《週刊少年Magazine》拍封面時嘅工作花絮,環奈著住純白小背心加藍色格紋恤衫,微微露出事業線,清純得嚟又冇刻意賣弄性感。

樣貌唔可以改變,但係衣著可以嘛,一齊學吓環奈以「男裝風格」單品襯衫提升氣質,細細聲同你講,男人好鍾意女友著自己啲衫架,即刻偷以下幾件男人衫嚟著,話唔定會更加GFable!

1.休閒恤衫

男友恤衫永遠係最百搭、最適合女生拎嚟著嘅單品,好似環奈咁搭配一件背心或短tee就好好睇,下半身可以襯短裙、短褲,著oversize恤衫一樣好sexy。

2.Bomber Jacket/棒球褸

男友衣櫃入面點都有件bomber jacket或棒球褸,唔想咁型,可以用嚟襯長裙/百褶裙增加甜美感。寬鬆外套可以幫你提高嬌滴滴感覺,仲可以學明星不經意咁跌膊著,增添潮味。

3.長Tee

唔駛專登去買oversize T恤,直接問男友借就得!長身大件嘅T恤可以營造寬鬆感,又可以幫女生遮住鬼鼠肉,下身搭配較緊身嘅短裙或短褲,視覺上更顯瘦。

4.帽

棒球帽、cap帽等街頭單品又係男人必有,戴住出街秒變型女。

圖片來源:ig@kannahashimoto.mg