游水、單車均屬無效!六大運動最有效減肥

當大家都知道做運動可以減肥,現代人可以話係喜愛運動嘅一代。唔講其他國家,單單數香港,可以做嘅運動都已經有好多種。好多時候大家都會講想減肥只要做運動就可以,揀一款自己喜歡嘅出身汗,就有減肥效果。之但係科學數據上又係點呢?台灣最新一項研究或者可以畀大家一啲頭緒。

台灣大學剛公佈一項研究,搵咗18,000位成年人做目標,分析佢哋做運動嘅習慣及身體BMI嘅關係。當中得出最有效六大運動排名,按次序分別為:慢跑、攀石、競步、散步、瑜珈、土風舞及國際標準舞。之於好多熱門運動例如游水、單車、健身操等都唔屬於高效減肥運動!研究人員指,慢跑係全身運動,而且係平均全身肌肉訓練,對於抗肥胖基因有明顯效果,並指出最佳做法係一星期跑5日,每次最少30分鐘或跑到講說話會喘氣嘅程度就可以。另外又點出游水好多人以為都係全身運動,但研究指游水係會特別刺激人嘅食慾,往往游完水後會食更多食物;與慢跑相反,慢跑反而會令人食慾下降,所以對於減肥嚟講,游水係無乜用。當然,以上研究只係針對減肥,如果大家做運動係只求出身汗、強身健體或者想練肌肉的話,就唔需要針著於只做呢6大運動呢。