為上車拒絕消費一個月只使$600:「生活唔痛苦」

香港人為咗層樓,真係好可憐,有研究就話要買一層樓不吃不喝要19年;不過咁,「可憐」係外人睇落,其實當中嘅人究竟係咪真係咁慘,定樂在其中?有網民就話自己同老婆結婚3年,目前租緊一個$15,000單位,由於近期社會氣氛差,樓價好似有少許下滑,四出睇樓。後來樓主就話,原來自從租樓開始要儲錢,每個月自己限制只使$600 ,而且連埋交通費。

唔少網民都話佢好慘,生活好艱苦。但原來事主一啲都唔係咁諗;樓主就話其實「唔消費都唔難」,午餐帶飯、晚餐自己食、放假屋企睇Netflix;總之所有消費可免則免,朋友聚會更加一個月都無一次。樓主話生活並唔係想像中咁辛苦,反而樂得清閒「並唔係想像中咁辛苦」。網民們就各自表述,有人話「叫唔瞓嘅人最舒服」,亦有人話「溫水煮蛙」就係咁解。香港呢個社會已經好成功麻目香港人,用畢生精力時間,放棄大半個人生為間400呎嘅樓。

究竟好似樓主,我哋應該話佢係樂觀,定還是係愚蠢?人各有志,自己人生自己決定,無論點行都好,大家都唔好輕言後悔。