王貽興專欄:到底男友有無出軌?對於所謂男女間的純友誼,女生應該這樣看

Cosmopolitan.com.hk

女生在討論區求大家點醒,說男友一直有個異性好友,兩人過往甚密,從不避忌,也不介意帶埋出嚟跟女友三人行,但就成日懶有默契,細聲講大聲笑,女友表示呷醋不滿,男友卻當眾指着異性好友說,他當佢係男人,從來冇當過佢係女人,所以你唔應該擔心,我同佢根本唔可能有嘢⋯⋯

▲ Cosmopolitan.com.hk

女友只覺疑惑,只因很多事情不是你說了算就真的算,你話唔當佢係女人,佢就真係唔算係個女人?但由頭望落去,條女有波有欏,分分鐘仲大過自己,樣又唔差,邊忽唔係女人呀?

▲ Cosmopolitan.com.hk

唔係爛口啲粗豪啲或者攬頭攬頸擘大腳坐就真係唔當係女人架吓話?

▲ Cosmopolitan.com.hk

其實掉返轉頭都一樣。當男人妒忌女友身邊總有些不懷好意的所謂契哥或者岳爸,大家男人心知肚明,其實都係扯住旗既狗公一名。

▲ Cosmopolitan.com.hk

擺明追緊你,擺明對你示好先搞咁多大龍鳳,管接管送,佢話順便先車埋你,你又信,佢話有女友有老婆,話當你係妹,所以你就當冇嘢,咁你話冇嘢我地就要當冇嘢,明明有嘢都要扮冇嘢,咪又一樣?

▲ Cosmopolitan.com.hk

女人都是林鄭,總以為自己一錘定音,自己話咩就係咩,就算外人唔係咁覺得,就算心水清明眼人一睇知咩事,總之佢唔覺就唔係,佢話唔當就唔當,其實咪又一係一樣橫蠻霸道雙重標準?

▲ Cosmopolitan.com.hk

條友係咪對你起痰,你哋係咪真係身有屎,男女之間有冇純友誼,爭拗點永遠在於主觀感受與客觀判斷。

▲ Cosmopolitan.com.hk

從外在言行客觀判斷,你們這些行為很有嫌疑,但當事人卻跟你訴諸禪宗公案,說我心中無美女,即使抱在懷中,都一樣坐懷不亂。為甚麼過河過了那麼久,施主,你仍然沒有把美女放下?

▲ Cosmopolitan.com.hk

呢個時候,真心想學當年師奶劇話齋,講咩証據呀?呢度唔係法庭,我對眼咪就係証據囉!

推薦閱讀:

王貽興專欄:女人想得到幸福,首先要放開心中這種情緒

王貽興專欄:別再為自己當兵找理由,其實女人想要的就這麼簡單



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK