王貽興專欄:女人年紀越大,愈易墮入網上愛情騙案?

Cosmopolitan.com.hk

香港又有網上愛情騙案,一位隱形富婆沉迷網戀,兩年來向網上情人匯款超過200次,合共被騙一億六千多萬,神奇位在於她仍未見過對方,全港巿民聽完當堂嚇一跳,然後……梗係得啖笑啦。

Cosmopolitan.com.hk
Cosmopolitan.com.hk

當大部分港男都被身邊港女女友壓榨,響條女身上莫講話一個崩都呃唔到,唔掉返轉畀人榨乾都已經偷笑果陣,竟然有一位謎一樣既神秘人物,可以呃到一個六十幾歲,經歷過國共內戰抗日戰爭,捱過香港半世紀風波起跌,人生經驗豐富,完全知道男人係點既一個阿婆,呢個男人,仲唔係全港男人膜拜參考嘅對象?如果佢肯開班授徒,都唔好講話教人呃人,剩係教大家點樣反過嚟唔好畀人呃,肯定唔止再賺多億幾兩億啦吓話?

 

Cosmopolitan.com.hk

有時都真係幾難理解,有啲女,明明現實就眉精眼企,十個Do姐加埋汪阿姐咁款,斤斤計較,寸步不讓,少個崩都睇穿你兼睇死你,彷彿核彈炸落嚟佢都唔會有事,但偏偏呢亭喺現實又聰明又精刮既女人,都會唔知咩事一頭栽進網絡世界,同哈利王子呀,土耳其美軍呀,毛國界醫生呀,法國派駐新加坡既建築師或者大律師網戀,日日噓寒問暖,然後就為咗可以早日同呢個白馬王子結婚,幫佢生意周轉,用金錢表示愛意同誠意,結果畀佢呃完一鑊又一鑊,成副身家呃晒,都仲唔願意相信,呢個係有預謀既騙案……

 

Cosmopolitan.com.hk

一個正常人,如果你已經匯咗幾千萬出去,都仲未有機會見到真人,冇得攬冇得錫,照道理都會開始懷疑究竟係咪呃人,點可能仲會繼續匯錢落去?

但偏偏,當你內心有咗缺口,當你心底深處空虛寂寞,現實入面又冇任何人信得過,睇得上眼,你就好容易會中咗呢個盲點,泥足深陷,就算明知畀人呃,都唔肯報警,因為一旦報警,就係直接承認自己豬咗蠢咗,所有付出同希望都係total loss……

有賭未為輸,女人喺愛情上面,都係賭徒。年紀越大,賭得越狠。

 


前往瀏覽完整內容:

王貽興專欄:女人年紀越大,愈易墮入網上愛情騙案?


更多相關報導:

單文柔V.S.胡定欣:兩大女生類型代表 男生都愛哪一種?