王貽興專欄:渣男身邊女人不斷,問題出在女生的聖母情結!

Cosmopolitan.com.hk

禮義廉賤男協會永遠會長鳩永痕為了不讓挑戰其王座的啫至痕專美,早前又再搞事搏見報,凌晨在街上與人爭執,警員到場拘捕時嚇得腳軟跪地,合什求饒,事後卻九唔搭八謂當時是因為見警員唔冷靜,所以趴地做瑜伽令大家冷靜返⋯⋯

▲ Cosmopolitan.com.hk

男人不壞,女人便不愛?

如果跟長期吸毒無關,能夠說得出這番話的人,恐怕智商真的有問題。於是我們像「中學生應否談變愛」的永恒辯論話題又要掘返出嚟講了:究竟賤男係咪真係吸引啲?點解鳩永痕或者其他賤男,要樣冇樣,要錢冇錢,仲一再柒出宇宙,但就永遠有女埋身,永遠都可以繼續呃蝦條呃飯食?

▲ Cosmopolitan.com.hk

係咪真係男人唔壞,女人唔愛?計我話,女人唔蠢,就唔會揀個壞男人嚟愛。偏偏大部分女人都蠢,蠢在唔識潔身自愛,蠢在以為愛可以感動同改變一個男人,蠢在唔信邪,唔肯信咩叫江山易改,本性難移⋯⋯

▲ Cosmopolitan.com.hk

女人的聖母情結

好多女仔都有種母性,或者稱為聖母情結,自以為可以拯救同收服壞男人,令佢變成聽教聽話既好男人,令世上少咁隻害人既妖魔鬼怪。

▲ Cosmopolitan.com.hk

但最後唔單止救唔到佢,仲救唔到自己,只係自己白白犧牲,成為養分肥料,幫助一個壞男人升呢,令佢變成個講大話呃鳩你既伎倆更加精益求精既慣犯⋯⋯

▲ Cosmopolitan.com.hk

有研究話,好多鍾意壞男人既女仔亦可能係因為潛意識自我形象較低,覺得自己唔值得同好男人一齊,所以就同個壞男人一齊,至少作賤自己害到自己都好,都唔會係做衰人或者害人果一個,有咩事個心都舒服啲⋯⋯喎。

▲ Cosmopolitan.com.hk

世上沒有好男人

與其相信呢個說法,我倒不如相信身邊一個情場老手,貼仔無數,人稱聖母瑪莉亞既女仔朋友講既說話。佢話男人無論從本性或者基因角度睇,都係賤架啦。

▲ Cosmopolitan.com.hk

不過有啲唔經修飾,控制唔到自己,做晒出嚟,有啲就努力抑壓,同本性對抗,所謂好男人,都係扮出嚟之嘛,所以好多女仔咪覺得啲好男人好假好虛偽,寧願同啲做返自己既壞男人一齊,覺得養隻咬人既蠍子好啲咁囉⋯⋯

▲ Cosmopolitan.com.hk

做自己,實冇死?我又唔信啲唔靚仔又冇錢又矮毒臭肥既死宅做返自己,唔做暖男唔扮好人,會仲多女仔肯同佢傾偈甚至肯同佢一齊呀。

推薦閱讀:

8個WhatsApp 調情對話技巧!欲擒故縱讓你成功勾得男神心

《大約在冬季》讓你勾起一個曾經深愛卻不能走到最後的人 令失戀成就更好的自己

【睇肉貨】失婚安宰賢狂谷肌💪🏻減肥僅食一啖飯!韓劇《有瑕疵的人們》與「第三者」 攞正牌談情?



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK