王貽興專欄:生命麵包VS海底撈帶來的愛情啟示,愈美麗的東西可能愈有害?

Cosmopolitan.com.hk

理大一役,有警員挑釁留守示威者,話你地就繼續留響入面捱生命麵包,我就放工返深圳食海底撈,你以為呢句嘢剩係關飲食事?你以為呢啲嘢關你蛋治?大錯特錯矣。

▲ Cosmopolitan.com.hk

曾幾何時,好多港女都恨嫁警察,以為佢地夠Man,夠正義,講出嚟又威,保衛巿民生命財產,拖出嚟都臉上有光,但今時今日,就算你仍然撐警都好,你睇吓啲忠誠勇毅進仔點諗?咪就係當你呢啲香港女仔係生命麵包囉,擺響度吽到你發霉過期,睇你唔起,放工就返深圳嘆海底撈囉。

▲ Cosmopolitan.com.hk

麵包女與海底撈佳麗

生命麵包代表住嘅,係表面睇嚟可能乏味,但簡單踏實,唔花巧,填到肚,可以陪你一齊捱世界,同甘共苦,一齊胼手胝足同你過日子嘅香港女仔。獅子山精神就係呢一種,亦都係我哋香港人一直引以為傲嘅價值。

▲ Cosmopolitan.com.hk

冇錯,香港女仔係唔夠嗲,唔夠花巧,仲太實際,可能響太平盛世,或者紙醉金迷,人人魚翅撈飯時,冇人想啃麵包,係人都鍾意啲fancy嘢。

▲ Cosmopolitan.com.hk

但當你一出事,你遇上低谷或者落難果陣,填到你肚,陪你捱過高山低谷既,唔係日本魚生,唔係台灣珍奶,更加唔係果啲好人工好化學成分既大陸海底撈,而係最簡單最踏實既白麵包。

▲ Cosmopolitan.com.hk

我從來冇鍾意過整色整水嘅海底撈,正如我從來冇鍾情過嗰種抖音式嘅整形網紅,兩者其實都好似,都係好人工、好造作、好味精、好假,而且仲好毒。

▲ Cosmopolitan.com.hk

海底撈無論食咩都係一種味,就係嗰種食落好似好驚艷好濃烈但其實毫無after taste,內裏好空洞好貧乏嘅怪味,一嚟我唔鍾意食化學元素表落肚,二嚟我深知果種用大量味精包裝掩飾嘅人工嘢,長遠對身體一定有害。

▲ Cosmopolitan.com.hk

表面愈美可能愈有害

世上從來冇呢啲抵食夾大件既美味,正如內地佳麗嗰種廉價嘅溫柔體貼,其實比起港女現成嘅拜金同物質更加需要連本帶利付出更大代價,只不過係膚淺嘅廢老同冇品味嘅劣質港男睇唔到呢一點,永遠只係畀眼前嘅所謂美色迷倒。

▲ Cosmopolitan.com.hk

哪怕呢種美色背後有更有陰謀,睇落好艷麗好美味任撈任食有人服侍埋嘅海底撈,其實個底有塊用過嘅M巾,你出咗事都唔知咩事⋯⋯

▲ Cosmopolitan.com.hk

真正的愛情,是咸魚白菜或者白麵包也好好味;真正的品味,不是你以為好抵屌的海底撈最後發現原來自己賠上一切好抵死,而係你終於明白,究竟甚麼叫做美味,甚麼叫做劣食。

▲ Cosmopolitan.com.hk

生活上的劣食頂多讓你越食越蠢,智商低下,但愛情裏的劣食,卻會讓愚昧的基因繼續禍延下一代,令地球更加危險。

推薦閱讀:

渣男都是女人養出來!5樣對男人不能做的事 避免好男人變壞男人

王貽興專欄:拍拖時溫柔可人結婚後變成虎妻?全因港女三十趕住「埋單」

為結婚做好準備!10個你必須知道結婚後的現實問題 婚姻生活不一定美好



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK