玩交友App,唔識製造話題可以點?

Cosmopolitan.com.hk

今時今日,就算你冇玩過,都肯定聽過Tinder、Coffee Meets Bagel、Sweet Ring等等交友(或約炮)軟件。相信對好多用家嚟講,最大嘅難關就係:打開話題。

▲ Cosmopolitan.com.hk

好多嘅朋友(尤其港女)都曾經抱怨,對方成日唔主動講嘢、唔肯打開話題。我有個男性朋友樣貌端正,生得高大健碩,齋講外型應該打贏不少港男;唯獨佢份人講嘢怪怪地、有陣抹唔走嘅毒味,簡單嚟講就係正宗Engine仔。

▲ Cosmopolitan.com.hk

當年大學嘅時候,由於佢單身咗廿幾年都冇女仔埋身,於是放手一搏試下Download交友App。喺呢個照騙行先嘅平台,唔少女仔都俾佢黝黑嘅皮膚、壯健嘅二頭肌深深吸引,繼而為佢按下一個 Like掣!
(小貼士:佢張Profile Picture其實係划艇比賽時候影嘅相,粗大嘅手臂將沉重船槳狠狠舉起,加上戴住副黑超唔太見到個樣,唔識佢嘅話其實係幾好J 。)

▲ Cosmopolitan.com.hk

不過好死唔死,我呢位男仔Friend雖然長年A0,但依然要求高:大波、長腿、靚樣、有學識......全部佢都想得到。講真丫,我真心奉勸各位單身而又好想出Pool 嘅人士,如果你嘅心儀對像係如此無敵,佢都唔使揀你啦!

▲ Cosmopolitan.com.hk

經過一班朋友苦苦勸告,佢終於肯降低要求、勇敢Swipe Right,終於有女Match到喇!根據非正式調查,其實有大部份對話都係由男仔做主動,有時係因為個女仔真係習慣被動,有時則係因為條女懶唔想諗嘢講、純粹扮被動。但我個男仔Friend相當幸福,因為個女仔竟然主動打開話題,由睇戲到聽歌、由運動到休閒都開放討論!

▲ Cosmopolitan.com.hk

呢個Friend竟然生在褔中不知福,人地連Send三個訊息問佢想唔想睇戲,佢因為自己對套戲冇興趣、又唔知點拒絕,跟住就放低電話冇覆人。結果幾個鐘之後,佢走嚟同我抱怨:「我最近Match到個女仔,但佢都唔主動講嘢,我都唔知點同佢溝通!」呢一刻除咗恭喜,我都唔知講咩好。

▲ Cosmopolitan.com.hk

由呢件事我發現,其實好多男男女女都冇意識到:溝通係雙向㗎!如果人地問你周末去咗邊度,嘗試唔好淨係答單字「行山」,而係「行山呀,不過好耐冇行過,有啲攰」。見到你咁答,人地就可以繼續問你鐘意咩運動 / 去開邊度行山,而唔係俾你End Topic。

▲ Cosmopolitan.com.hk

否則問多幾個Typical問題之後,佢又冇癮、你又嫌佢問來問去都三幅皮,最終不歡而散,大好姻緣就咁冇咗!如果大家都可以喺答案之中,嘗試為對方Create下一個話題,對話就自然能夠長久有趣啦!恭祝各位交友 (或約炮)成功!

推薦閱讀:

毋忘前度,係男人嘅天性?

時間沖淡傷痛,只係一個傳說?

你的世界不要只有他:情侶間要有共同興趣



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK