生得矮 患糖尿病風險較高

俗語話「矮仔多計」,不過有得揀,邊個唔想高啲先?生得高,普遍人眼中都較有安全感,睇上去亦比較英偉,細個阿媽都係咁用唔到方法,希望刺激小朋友增高;但高矮好大部分都係先天決定,公平咩?但原來仲唔公平都有呀!有報告指出,愈矮嘅人愈易患上糖尿病!

根據醫學期刊《糖尿病學》最新研究顯示,人嘅身高同患糖尿病有密切關係。生得愈高嘅人,患病風險明顯較低。研究就睇咗16,600位女性及10,000位男性進行詳細分析,將遺傳、飲食習慣等因素排除之後,發現高矮係患糖尿病嘅原因之一。研究講明,男人身高每高10cm,患病風險可降低41%;女性則降低33%。至於原因,雖然未有確實證明,不過推斷係因為矮嘅人通常擁有過多肝臟脂肪,係導致糖尿病、心臟病、中風嘅因素之一。所以話,矮仲有可能患多啲病,呢個世界公平咩?

資料來源:《糖尿病學》