產後重達147磅 孫慧雪三管齊下速減27磅影寫真

Kiss - 熱話

產後修身是新手媽媽一個非常重要的任務,靚媽孫慧雪早前榮升新手媽媽,她透露剛生完B體重飆升至147磅,後來三管齊下修身,成功在2個月減去27磅,日前post出減肥後的寫真相,還被懷疑是產前拍下。

撰文:K | 圖片:孫慧雪@ig

延伸閱讀:

【親子好去處】15個攤位免費任玩 換禮物、故事書 | 玩具反斗城3分店限定

【暑假親子好去處】排4粒鐘買限定「金」鎮魂 邊玩陀螺邊學STEM

產後重達147磅 孫慧雪三管齊下速減27磅影寫真

現年36歲的孫慧雪上年榮升新手媽媽,阿雪更為囝囝Riley開咗個專屬Ig同大家分享生活點滴。早前阿雪自爆產後體重飆升至147磅,但為咗拍劇,佢三管齊下,兩個月時間極速減去27磅,重拾纖腰!日前仲話要重出江湖影寫真!日前阿雪於Instagram發佈數張相片,相片中阿雪身形纖瘦,完全睇唔出係一子之母!阿雪透過節制飲食、做運動同紮肚等方法,兩個月成功由147磅減到120磅!果然「世上沒有醜女人,只有懶女人」。




孫慧雪與囝囝表情神同步

早前,孫慧雪帶同可愛囝囝Riley一齊去樂園玩。雪雪為Riley精心準備一套模仿《壞蛋獎門人》裏面「Minions」嘅制服俾囝囝穿著,相當趣致。兩母子影相留念時,仲表現出神同步,幾款表情同動作都一模一樣!

囝囝笑到對眼變一條線,相當開心!

就連雪雪都忍唔住要留言話:「我發現咗BB嘅天賦才能係佢嘅模仿能力,我做咩佢就會跟住做,第一張,我叫佢一齊扮cute呀~佢即係(刻)做!第二、三張變臉前後無(冇)2秒!仲扮埋我單眼,之後同影加映,佢收到電話:『喂!喂!我講電話,你等等先!』都係扮緊我!我真係唔可以亂來😅 #Riley真係好鍾意媽媽」

孫慧雪與囝囝神同步 二人賣萌表情一致

Riley認真西利,每個表情都可以學足媽咪,咁有學習天份,第日大個一定都係個醒目仔!

就連眼仔碌碌咁望鏡頭都同媽咪勁似樣!

雪雪仲分享咗自己餵啊仔食嘢嘅片上網,見Riley食得津津有味,每食一次都點哂頭表示好好食,認真可愛!



孫慧雪「交足戲」的全家福

早前,孫慧雪與老公Edwin及未滿一歲的囝囝Riley,一家三口暢遊3D美術館。雖然Riley仔未夠一歲,但明顯遺傳了媽媽的演藝細胞,在不同3D場景時竟然可以完全配合爸爸媽媽,做出各種的反應和表情。

難怪雪雪都忍唔住喺社交網留言︰「大家都好有戲!好好!#連Riley都俾(畀)戲 #有其他相我扮俾(畀)蛇咬Riley喊住叫媽媽🤣 #好感動…..BB比爸爸媽媽更有戲♥️ #十個幾月人仔…….Riley,你演譯(繹)得好過媽媽,點算先?😅」




孫慧雪公開紮肚減肥法

近日,孫慧雪決心修身,嘗試以產後紮肚減肥法,一改生完B後嘅微胖身型,並於個人社交網po出多張自拍照,見佢著上非常貼身嘅紮肚帶,紮到連腰位都出番嚟。



曾因產後紮肚發生意外

孫慧雪更留言指自己之前都試過產後紮肚,卻因為過程中發生意外而停止:「我之前生咗3個月時紮過,但可能個人體質問題,或者子宮傷口太大(因為我係剖腹產兼生大碼B),所以產後三個月紮到第3日,就子宮出血,於是無再紮!」,聽到都驚驚。


孫慧雪

佢更表示,希望呢個紮肚減肥法可以有助佢紮返細個骨架,更笑指可能因為第一日紮,所以有㧜牙嘅感覺。

孫慧雪

而今日係佢第二日紮肚,孫慧雪就喺網上發文透露:「今日幫我再紮緊啲,幫我紥埋胸骨,你哋睇下,著咗條褲上去,都唔擁腫,因為堅緊!!」,真係隔住個mon都感覺到有幾緊!



佢仲話:「今日落咁大雨都照去,即刻覺得自己有為減肥付出!大大減低咗平時貪吃嘅罪咎感。」,照咁睇,佢今次真係好有決心堅持要成功瘦身。

孫慧雪



上年宣布懷孕

上年二月,阿雪正式宣布懷孕,而預產期則為八月中。陀B期間阿雪不時喺社交網站分享其懷孕歷程,見到佢個肚一日比一日大,誇張到有成43吋腰,一度令人懷疑係咪佗雙胞胎!

孫慧雪
孫慧雪

懷孕時的女人最美

所謂懷孕時的女人最美,所以阿雪都拍攝了一輯以花為主題的孕照留念,相片由好友兼名設計師Lilian Kan(簡幗儀) 操刀!阿雪本身就好鍾意花,所以對呢輯寫真十分滿意。即使孕照要性感露肚,老公都冇詐型!

誕8磅10囝囝

剛剛阿雪就喺FB上載與B仔Riley的合照,見到身在產房的阿雪媽媽精神不俗,雙手緊抱着張大開口喊的囝囝,而另外兩張相就係B仔的獨照,面圓圓非常可愛!

可愛B仔好大食

據知,由於B仔體形太大,所以阿雪最後聽從醫生建議改為開刀。另外,佢曾透露B仔同爸爸餅印一樣,身長頭大,而且仲好大食,要成日餵佢搞到冇覺好瞓!

 

 

延伸閱讀:

【親子好去處】足料鰻魚丼飯40蚊 玩釣水球射擊遊戲