男人心度行﹣點解男人要瞞住女朋友同前任聯絡?

朋友S 最近和身邊女性好友吐苦水,事緣她有個朋友有天在街上,看見她的男朋友和一個女人一起逛街,之後經追問之下,才知道那個女人是他的前度。但S又說最近和男友之間關係很好,不像出軌,所以大家都感到很疑惑:為什麼男人要瞞著女朋友,和前任聯絡?

 

1. 放唔低前度

相信呢個都係大家第一時間會諗起嘅原因,唔係唔鍾意而家嘅女朋友,只係前任係男人心中嘅地位更高,即使分手但忍唔住會同前度傾計。但男人又好明白自己未必可以同返前度一齊,前度只是一個情意結,但如果你係現任,相信都好難接受到男朋友咁嘅心態。

 

2. 男人都係多情動物

其實男人同女人一樣,女人鍾意收兵,而男人就鍾意身邊會有好幾個有濳質做到女朋友嘅紅顏知己,衰的講句,即使他日同你分手,都有其他女仔揀下,而最方便當然就係前度,前度夠晒了解自己,掂!

 

3. 曖昩唔使負責任

好多男人都好鍾意曖昧,可以同女仔好close,但又唔使有咩名份。但女朋友追到手之後冇晒曖昧嗰種心跳刺激嘅感覺,而呢個時候關心前度幾句,但又唔係復合,呢種朦朧嘅feel就最過癮。

 

4. 失去咗先識得後悔

同前度一齊嗰陣成日鬧交,但到分咗手之後,慢慢先諗返起佢嘅好。有時見到前度個IG PO相變靚咗吸引咗,又開始心思思想同佢有返聯絡。

 

5. 佔有慾作祟

明明對前度已經冇晒感覺,但見到前度識咗其他男仔,心仲係會有啲唔舒服,始終一個曾經屬於自己嘅人,而家比其他人佔有咗,就會覺得比人搶走咗樣嘢咁。男人自然就會想証明呢個人仲係自己嘅。

 

6. 凡事留一線

女人係感性動物,但當對一個男人冇晒感覺時,可以完全斷開兩人嘅關係。相反,男人好唔擅長斬纜,而且覺得做人唔使咁絕嘅。

 

7. 怕現任亂諗嘢

雖然有好多分咗手嘅情侶再見不是朋友,但有時前度只係唔適合做女朋友,變返做朋友,反而兩個人又會相處得好自在。而呢種朋友關係實在好難解釋比現任知,所以就只好暗裡聯絡。

 

好多男人都會有以上嘅念頭,但如果一個男人真係愛你,佢知道你唔鍾意嘅話點都唔會再同前度藕段絲連。但如果男朋友keep住同前度聯絡,可能你要認真諗諗你接唔接受到呢個男人。

 

延伸閱讀>>男人心度行 -不想結婚的五個最大原因

Related Articles


More from Cosmopolitan