【社工分享】報讀學前班 名氣最重要?

clarasiu

文章來源: 家庭生活易


慈慧幼苗親子學堂  註冊社工Rainbow分享一個關於家長報考學前班的小故事︰

在暑假尾聲的某一個下午,當我在餐廳等朋友之際,聽到鄰桌幾名家長發表為子女報讀學前班的「偉論」。

家長A語出驚人地道:「你哋點同仔女報學校㗎?我就漁翁撒網式咁去報,起碼報二十間學校,實行有殺錯無放過,不過擔心阿仔會唔會好攰同埋好抗拒面試。」


家長B和應:「之前我有個朋友幫佢個仔報咗好多面試班同學校,雖然嗰日阿仔發燒,扭計唔想去面試,但都照帶佢去。雖然我唔認同朋友嘅做法,但又明白機會難得嘛!」


家長C用堅定的語氣說:「我就諗住集中火力報名校嘞,聽人講港島區有間名校好好,我諗住幫阿女報呢間。雖然要跨區,返學要坐成個鐘車程,但入到就得啦!」


家長D迷茫地道:「聽講有啲名校要小朋友戒晒片先讀得,我嗰女又未戒晒片,都唔知報唔報好?」


家長E語帶惆悵:「唉,我無乜頭緒報咩學校,我嗰仔活潑好動,成日都坐唔定,如果揀啲傳統學校,我驚佢好大壓力,但揀happy school又驚將來銜接唔到小學的課程。」

正當我沉澱在她們言論之際,朋友剛巧來到,大叫一聲才把我的靈魂喚醒過來。 



解說:

家長為孩子未雨綢繆,因擔心孩子入不到心儀的學校,漁翁撒網式報考學校亦是人之常情。但家長亦要同時考慮孩子的承受能力,若報讀過多的面試班,在某一兩個月內,幾乎每星期都要面試,往往會弄巧成拙,不但導致孩子身心疲累,也會造成雙方的壓力。家長宜定一個限額,不要超過孩子的承受能力。在預備面試之餘,也不要剝削孩子的玩樂的時間。


報讀學前班要考慮周詳,不要人云亦云。每間學校都有它的優點和缺點,名校亦未必適合所有孩子就讀,所以最重要是從孩子的角度出發,選擇一所適合孩子性格和能力的學校,讓他們有所發揮,從小培養學習興趣和動機至為重要。


總結來說,家長宜選擇辦學理念、校風、宗教信仰和教學模式與自己期望相近,以及就近居所的學校,令子女讀得開心及避免每日長途跋涉跨區上學,舟車勞動也會影響子女的學習。 
 

感謝【 Healthy Seed Parenting 慈慧幼苗親子學堂】授權轉載內容
有育兒問題問專家?即上http://babyparent.org


>> 讚好家庭生活易Facebook專頁,睇勻產前產後/親子食玩樂最新資訊!

更多產前產後、食譜、親子玩樂資訊:

https://family.esdlife.com/

靚太Club Blogger親子分享:

https://wow.esdlife.com/mrs-club/

家庭生活易 FB:

https://www.facebook.com/family.ESDlife/