網上爆紅小資女慳家之選:「凡士林頸膜」

女人唔補好易老,皮膚鬆弛、皺紋令人顯老,好多25+女生集中面部護理,卻忽略頸部護理,其實頸紋一樣會令人望落老了十歲!近日內地社交平台小紅書出現一個熱門話題,關於一個可以講係「史上最慳錢嘅頸膜」DIY方法,有網友實測仲話連續用一星期已經好work,材料又超簡單,人人整得到,小資女必學!

DIY凡士林頸膜

首先準備一盒凡士林、保鮮紙同埋身體潤膚乳液。

step1:

首先將適量凡士林薄薄一層塗抹於頸部位置,建議先將頭髮綁起。

step2:

再用雙手指腹從肩膀鎖骨處向上推,慢慢按摩頸部約30下左右,直到凡士林開始被吸收。呢個步驟建議一定要小心慢慢、輕輕推,如果太用力可能會令頸紋更深。

step3:

凡士林差唔多吸收哂之後,可以塗上一層身體乳液,唔一定要用針對皺紋嘅產品,普通保濕、、美白款都得,厚厚搽一層後,手指向橫將乳液推開,按摩約15下至完全吸收。


step4:

最後就係於頸部包裹一塊適當大小嘅保鮮紙,鎖緊水份,加速凡士林乳液吸收。包保鮮紙前可以再補一層乳液,敷5-10分鐘就可以,並將殘留乳液按摩至吸收或直接洗走。

網民實測連續使用一星期後,頸紋有變淡!

世上只有懶女人冇醜女人,只要勤力幫頸部做補濕,加上按摩,確實可以防止頸紋變深,各位女士想靚就唔好偷懶喇!

同場加映:G.E.M.力推凡士林面膜

除咗凡士林頸膜,G.E.M.亦大讚凡士林有另一個類護膚用法,仲話係「史上最強保濕面膜」!因當時身處加拿大,G.E.M.皮膚因乾燥天氣變得敏感又甩皮,即時打番香港問皮膚科醫生點急救,醫生建議將凡士林製成面膜用!

方法好簡單,洗完面後薄薄塗一層凡士林,然後用濕紗布覆蓋面上敷30分鐘,再用另一塊濕紗布或洗面巾搓乾淨。G.E.M.表示連續用幾日後,肌膚已變返剔透嫩滑,不過就溫馨提示大家唔可以日日敷,

極乾燥情況下一星期最多用3次,唔係有機會令毛孔閉塞生暗瘡,弄巧反拙!

圖片來源:小紅書@甜不拉几Kk、小紅書@GEM鄧紫棋、小紅書@Carina喵酱_、凡士林

更多相關文章

15種凡士林隱藏用途 可去黑頭、增長眼睫毛

凡士林超多用途!不可不知 15種神奇隱藏妙用

【致25+女生】史上最慳錢的頸膜!預防頸紋必學:DIY凡士林頸膜!