總是愛錯壞男人?也許你要自省5大問題!

現實中總會聽到有啲女仔明明條件唔差、性格好nice,但就偏偏遇唔到個好男人。第一、二次我哋都會為呢種女仔覺得婉惜,戥佢好唔抵,但當呢種情況不斷出現嘅時候,問題其實會唔會出喺女仔身上呢?無論埋怨自己總係遇到衰男人,抑或係為朋友抱不平,都要睇下當事人有無不自覺犯咗以下嘅錯誤!

1. 總覺得係自己嘅錯

每次當兩個嗌起交嘅時候,總覺得係自己嘅錯,諗自己係咪有咩做得唔好、有咩缺點令對方不滿等。無論誰是誰非,有問題都應該好好傾吓,假如每次都讓步,咁樣只會令對方習慣將所有錯誤同責任都推卸晒俾你。

2. 唔忍心拒絕對方
只要對方開心,就會奮不顧身地為佢付出一切,無論係金錢、性生活等嘅要求都百分百依住對方嘅心意,覺得咁樣就會幸福。但其實咁樣只會令佢唔珍惜你,習慣要乜有乜,同上一點嘅道理一樣,地位嚴重唔對等嘅關係係好難維繫落去的!

3. 過份包容對方
無論對方犯咗咩錯,甚至嚴重到一腳踏兩船,你總係選擇原諒佢,相信「佢唔會有下次」,覺得「佢一定會改變」等。其實咁輕易地原諒佢一次又一次,殘酷嘅現實係佢不但止唔會改,甚至會變本加厲、得寸進尺。

4. 內心害怕孤獨,太容易「愛」上一個人
內心抵唔住無人陪嘅孤獨,就算明知對方唔適合自己,都夾硬喺埋一齊,覺得愛情可以將就,有人陪喺自己身邊就唔會再空虛?其實咁樣正正好容易令你愛錯人,即使對方條件唔差,但性格上夾唔嚟,或者佢唔係你會真正愛上嘅人,最終都只會走上分開嘅道路。

5. 將上一段感情嘅痛苦帶到現任身上
每人嘅愛情路都好唔同,即使喺上一段感情中受到傷害,你都要知道前度同現任係兩個唔同嘅人。假如你被過去影響而對兒家呢段感情無信心,不斷質疑現任嘅努力,咁會令對方好氣餒,而你又唔肯打開自己嘅心,咁樣兩個人只會愈行愈遠……

(圖片來源:tumblr)

【原文連結】

總是愛錯壞男人?也許你要自省5大問題!

【文章推介】

小心踩地雷!初次約會不適合問的7個問題

俘虜他的心吧!15 句男人聽到會心動的說話