老婆輪更工作 半年無性生活 老公喊苦

有一種時差,叫做輪更工作。有男網民喺連X討論區話自己正常打工仔朝9晚6 ,然而老婆份工就係輪更工作,有時返早有時通宵。老婆份工係近半年先轉,發現老婆轉工咁耐,竟然一次床都無上過!輪更工作令兩公婆見面時間都少咗,更加連作息時間都夾唔到,遑論話有性生活時間。老公就話自己有嘗試過安排時間,例如等老婆放假嘅日子,不過由於老婆都話攰,所以最後都無成事。

唔少人都話夫妻是旦一方要輪更工作,對兩者都係好大挑戰。除咗男網民所講性生活時間都無,好多時甚至連一齊食餐飯嘅機會都無。要理想咁解決實在係無乜可能,除非辭工;兩公婆一定要各行一步,例如夾下放假時間,起碼每星期有一日可以大家全日對住,有足夠時間大家可以食下飯、去下街,性生活自然會有。不過千萬要記得,無論做唔做到,都唔可遷怒對方,更加唔可以埋怨對方。記得一定要互相尊重,包括對方嘅職業。結婚就係互相包容,希望呢位男網友可以克服呢個難關,唔好令佢不停放大及延伸。