聖誕check-in好去處

Yahoo Style
飄雪銅鑼灣

飄雪銅鑼灣

今期銅鑼灣流行一個名為「RE:MAKE A WISH 願望.重塑 -聖誕球企劃」,早陣子佢哋就成功透過市民收集到超過37000個廢棄膠樽,大會更邀請十多個世界頂尖創作人用膠樽設計出好有特色嘅聖誕球義賣,雖然聖誕未到聖誕球已經全部賣哂,但係現場仲有好多靚相checkin位,例如一個可以裝得落幾個人嘅巨型飄雪聖誕球就已經係熱門影相位,另外,希慎廣場一樓期間限定嘅Fab Cafe x Urban Bakery更有咖啡同用牛角包特製嘅特色甜品,你仲可以現場親手製作聖誕飾物,哂鍾意創意嘅你。

遊藝上環

遊藝上環

上環PMQ元創方呢半年成為好多設計人流連嘅集中地,為迎接開放後首個聖誕佳節,佢哋特別聯同本地建築師William Lim林偉而、建築及藝術設計單位LAAB實現室,以及多個創作單位攜手創作充滿創意又浪漫嘅大型聖誕燈飾,以「Trees of stars 星閃聖誕」照亮PMQ! 節目由2014年12月19日至2015年1月4日一連17天, 以藝術創意結集美食、購物、藝術表演於一身,同大家歡度聖誕新年。

Let's go青衣

Let's go青衣

介紹幾多影相位都好,如果你同行嘅仲有細路女,我諗都無可能錯過位於青衣城嘅「魔雪奇緣聖誕城堡」-無計,Frozen熱潮真係一時無兩(雖然套戲已經係去年嘅事,新年都就快到,仲hit過上一年聖誕), 現場有11 Elsa任影唔嬲,仲有特別版紀念品發售,未諗到送咩嘅小朋友,又多個選擇!

 

 

更多精彩文章:

自由行系列:香港地新許願勝地

玄學家龍師傅:聖誕尋良緣