葡萄友:人類壽命由1,000年減到100年 全因以下3大原因

可以話係現世最具影嚮力嘅物理學家霍金,一向都愛發表預測地球命運嘅言論,之前已經有過多番推測,包括人工智能會令人類滅絕、嘗試聯絡外星人會遭遇不幸等,而佢一路以嚟都推算,人類大慨只有1,000年嘅壽命就會終結;不過近霍金最新嘅推論,竟然一下子縮減咗900年,話人類只餘下100年可以生存!

雖然世界上有唔少理論推論人類會滅絕,但畢竟出自物理學大師霍金把口,唔可以完全亂嗡架,根據佢嘅推論,因為以下幾個間題已經急速惡化,導致人類都命不久矣,係咪?快啲睇下啦!不過香港人最關心係,人類末日,咁樓價會唔會跌呀?

溫室效應
導致全球變暖嘅溫室效應可以話係人類滅亡一大原因,溫室效應之下全球海水因冰層融化而不斷上升,據最新美國多間大學推算,2100年時,海平面會上升52至98cm,美國紐約、中國上海等大城市將被淹浸!

小行星撞擊
唔好以為睇戲,其實地球周不時被行星碎片撞擊,而對上一次造成大規模傷亡嘅就係1908年西伯利亞Tunguska隕石撞擊事件。目前最大威脅係一顆由NASA發現嘅小行星,每6年會近距離掠過地球一次,可以話係計時炸彈。

新變種傳染病
講起傳染病大家都唔會陌生,自十多年前嘅SARS開始,一直到禽流感、豬流感、伊波拉等,無一唔係不停變種,而且呢啲新型病毒全部都係死亡率高,致病速度極快,早年已經有英國病毒學家John Oxford警告2017、2018年有機會爆發全球性傳染病。

 

圖片來源:the-future-now@tumblr