葡萄友:地下情好刺激? 情侶拍拖收得好埋嘅4個原因

大家對於馬國明最熟悉嘅,應該都係佢係大台拎唔到奬個呆滯樣,但原來除咗呢樣之外,佢同胡定欣分手後都未有著落,加上佢搵埋唔少所以有圈中筍盤嘅稱號。不過啱啱就有觀眾早排見到馬明同黃心穎一齊去睇戲,過程神秘而且馬明仲相當有警戒心,稍為多人嘅時候就會分開行。事後馬明回應就話「笑下啦」,完全迴避問題,相反黃心穎就係「朋友睇場戲」、「順其自然,相處上感覺舒服」。就咁睇佢哋2人回答都相當曖昧,而其實有唔情侶係發展前都會鍾意收收埋埋:

睇有無感覺
係正式發展之前,都要睇下有無感覺同相處得舒唔服,不過就算自己有啱嘅感覺,都要對方都有feel先得架,萬一最後原來只係單戀無乜人知都無咁尷尬嘛。

免得受人影響
身邊唔少人總愛做愛情專家、愛情顧問,係旁邊指手劃腳,雖然佢地可能係出於關心,但始終最清楚想要乜嘅都係自己。另外,難保有其他人知道你和某人發展時,又差隻腳埋去爭埋一份咁先開心。

慢慢再揀下
要好好咁長遠發展一段關係嘅話,有好多因素都要考慮埋好似係性格、興趣、價值觀同埋經濟能力。有得揀嘅話就更係睇真啲,試清楚適唔適合先再見光,就算你係同時間比較緊幾個人,收收埋埋嘅話都無人知麻。

影響事業
藝人拍拖隨時都會影響形象,可能會對事業造成影響,但一般嘅上班族都會架。譬如當你嘅同事甚至係上司發現你經常掛住識男仔識女仔,自然會懷疑你嘅工作能力同態度,到時日子就唔好過啦。

相片來源:jacquelinebwong@IG, TVB.com網上截圖