葡萄友:舊愛結婚了 自己仍是單身 心態點調整?

今年25歲嘅G.E.M.最近就推出佢嘅音樂紀錄片《一路逆風》,無論係鍾唔鍾意佢嘅觀眾,以年紀輕輕唱到可以拍一部片,都係幾利害同少有嘅。原來紀錄片中亦不免有提過到舊愛林宥嘉,仲話無刻意避開呢個話題。就對方最近啱啱宣佈結婚,G.E.M就話會祝褔佢生活愉快,指「時間會令人慢慢消化一啲野」,而家自己生活覺得好健康快樂,仲指出學到以後要有咁低調得咁低調。

睇黎阿G.E.M.今次真係有點感概喎,亦都難怪嘅岩岩知道舊情人要結婚,無論係分手或被分手個個,一時間都需要少少時間去接受嘅。俾著係你嘅話,又會選擇點做?

大方祝褔
無論係真心祝褔或者只係口講但心酸嘅祝褔,點都要做個堅強嘅樣出嚟頂住先,唔好畀對方睇到脆弱嘅一面。

長經歷知識
正所謂「愛一個上多一課」,如果可以係分別之後能夠正面點咁諗,反思一下到底問題出現咗係邊到話,從中吸收經驗令自己變得更加好,下次就一定會更加美滿。

分散注意力
分散注意力話,會比較容易令人覺得好過一點,時間感覺上亦都會過得快點。除咗最傳統寄情工作外,仲可以去學下新野發掘下新興趣,除咗增值自己之外話唔定仲會有意外收獲添。

搵朋友訴苦
與其一個人獨自承受、收埋自己係角落頭喊到豬頭,不如搵最好朋友盡情訴苦,甚至大哭大醉一場,醒番之後就重新振作,好好過日子。

相片來源:林宥嘉 Yoga Lin@facebook 、gem816 @ig