【董之英校園欺凌】乜都影 犯法都要放上網?

2000年嘅世代,原來都已18、19歲,真係時光飛逝,要講起呢班00後,真係可以話係電話之下成長。不過正如好多國家嘅細路一樣,香港嘅00後都係諗嘢唔多經大腦,校園欺凌,都竟然拍低放上網。究竟點解要咁做?係唔知自己做嘅嘢係傷害他人而違法?定因為疊馬、英雄主義?其實大家讀書時,唔多唔少都有呢啲情況出現,只係視乎嚴重程度,不過當年未有電話影低啫。

其實校園欺凌已經係多年嘅課題,其對小朋友成長發展之影嚮,並非表面咁簡單,好多小朋友長大數十年後一樣有當年嘅陰影存在,甚至影嚮埋佢長大後嘅性格發展;任何一個國家或地方都好重視校園有否欺凌問題,而最唔重視嘅就偏偏係最接近事件嘅學校及老師。點解?因為醜事不出門,你都唔想學校個名因為呢啲事而一落千丈,好似董之英咁啦。

今次事件,好彩有人咁蠢放上網公開,否則校方肯定都係收埋草草了事就算,但既然已經上報又變咗刑事案,倒如徹底調查清楚,睇下有咩人需要負責,咁先可以殺一儆百,盡全力將校園欺凌案減至最少!