處身大自然20分鐘 有助幫身體「充電」

每日工作壓力大,又食啲唔健康嘅食物,身體好快殘;大家都知得閒去大自然放鬆一下,係可以令身體更健康,不過現代人個個都好忙,要大家每日去行山幾乎係無可能,要親親大自然似乎唔易。不過近日有研究就教大家如何有效咁接近大自然,究竟有咩根據呢?同埋要幾耐時間呢?

根據醫學期刊《Frontiers in Psychology 》公佈一項新研究,搵咗千幾位人士做對象,用咗8個星期時間研究大自然同身體健健嘅關係。每人都被要求一星期內至少有3日要留喺大自然之中,可能係公園、樹林、甚至花園都得,每次最少要10分鐘。及後發現只要身處大自然20分鐘,身體入面可體松濃度會降低,30分鐘之後更加降得更快,可體松係壓力荷爾蒙產生嘅主要原因,身體置身大自然之下20分鐘,可體松能得到顯著降低,證明20分鐘就係理想時間。研究人員直指,大自然就係人體嘅「天然藥丸」,可以治好好多身體嘅病,好多時唔少情緒病、精神壓力等問題,透過大自然,就可以藥到病除呢!