【裝修佬話你知】新衣櫃好大陣味!教你7種去味方法

( 文:康少)

一般來講呢,新買嘅傢俱多少都會有異味,呢啲異味其實係甲醛等有害物質, 而異味嘅存在直接影響到存放係衣櫃入面嘅衣物,影響人體健康,所以我地要想方設法去除。以下裝修佬同大家分享衣櫃去除異味方法。

1. 醋燻

醋易揮發,而且具有殺菌效果,所以我地可以用碟裝啲醋放係衣櫃入面,或者用橙皮,都可以除去異味,醋唔單止可以去除衣櫃異味,仲消毒同殺菌添。 

2. 活性炭吸附 

活性炭係生活中最常用嘅吸附品,佢具有空隙多嘅特點,對甲醛等有害物質具有強吸附同分解作用,活性炭嘅顆粒越細吸附效果越好。用竹炭製成衣櫃掛包放入衣櫃,可以去除衣物異味,仲可防潮、殺菌、驅蟲。係新衣櫃中放入竹炭,唔到一個星期就客完全去除木料同膠合劑嘅味道,竹炭具仲有淨化空氣、消除疲勞、抵抗輻射嘅作用。 

3. 甲醛清除劑 

其實異味主要原因一般係甲醛嘅存在,裝修佬建議可以用市面上嘅甲醛捕捉劑,現時有兩種,一種係通過中和甲醛,生成無害物質嘅方式來淨化空氣。另外一種係通過封閉甲醛,阻止甲醛嘅揮發來淨化空氣,可以用甲醇清除劑或甲醇封閉劑將衣櫃由裡到外噴一次,一個星期左右衣櫃嘅異味自然消失。 

4. 植物吸附 

好多植物也都具有唔錯嘅吸附能力,比如仙人掌、吊蘭、鐵樹等。一般來講,大葉面同香草類嘅植物吸收甲醛效果較好,可以將衣櫃打開,擺盆植物入去,過段時間異味自然就消失。 

5. 空氣清新劑 

空氣清新劑係比較常用嘅祛除異味方法,可以揀選D高科技祛味清潔劑,佢可以祛除新裝修房、新傢俱等散發出嘅有害氣體,呢D祛味清潔劑係利用氨化合物同有害物質發生化學反應,從而起到祛味作用,可以係新衣櫃內,將祛味清潔劑倒係碟度分別放衣櫃內,再結合清潔祛味,連續幾日即可有效祛除難聞氣味。 

6. 通風 

我們要養成良好嘅生活習慣,勤通風換氣,經常性咁將衣櫃門打開,令衣櫃裡面嘅有害氣體釋放出去,咁係最自然,最安全嘅方法,但需要嘅時間會較耐。 

7. 茶水 

對於油漆味濃厚嘅衣櫃,可以係入面中放兩盤鹽水,再用茶水清洗衣櫃,咁樣油漆味就會祛除。

(以上圖片均來自網路,如有任何版權問題,請與本站聯絡)


消閒資訊由熱新聞提供
原文連結: 裝修佬話你知 : 新衣櫃去味方法 (康少)

更多相關內容

【設計】荒廢鋼琴原來可以化身成…樣樣都充滿創意啊!



裝修佬
致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。