話時話:前度拍拖了 最怕身邊朋友講嘅3句話

話說早前鄧麗欣(Stephy)承認同前棒棒堂成員邱勝翊(王子)拍拖,而舊愛方力申尋日出席活動時,緊係被問到口啞啞,佢聲稱自己早係兩三個月前已經知道佢地兩個拍拖,亦都見過佢地,更強調見面時無尷尬。至於被問到自己感情有冇著落?小方好巴閉咁話:「我大把女,泳會有幾十個女,多到不得了,完全使愁,開心到不得了,日日對住無憂無慮,天真可愛小朋友,好享受游水工作 。」又被問到覺得自己定王子靚仔啲?佢就話:「邊有得咁講,依家唔係選美,我唔係sell樣,sell緣份同隨緣!」

面對前度有新對象,總係要面對身邊朋友的一大堆追問,當自己感情生活重係大海浮沉之際,大家最怕聽到下以呢3個問題/說話呢?

唔好揀擇啦
就係因為經驗過感情的失敗,下一個更加要睇清睇楚,點會好似旁人話齋唔好揀擇,要寧缺莫濫呀。

你仲鍾唔鍾意佢?
人��都有了新對象,最驚比人問「你仲鍾唔鍾意佢?」就算鍾意又點?唔好要我承認同講出口好唔好?

佢個新對象如何?
好多朋友都好興開個FB,拎前度個現任張相出來睇,然後叫你評論下,玩嘢咩?!

相片來源:alexfongliksun @ig