話時話:去到夢想之地 你會有咩反應呢?

Twins忙完歷時三年的演唱會後,阿嬌就忙住籌備下個月嘅婚禮,而阿Sa就襯住呢個空檔去咗埃及睇金字塔,而佢尋日就係IG到Post相表示:「圓夢第一步!!!實在唔知道用咩言語嚟形容自己嘅心情!!由細到大都對遠古文明深感興趣 一直都好想親身去睇吓感受吓 我終於去咗其中一個我一直好想去嘅地方~~埃及!!」然後唔夠幾個鐘再post埋片,佢喺金字塔前打側手翻,並表示個人太興奮,所以忍唔住打個昔日招牌的側手翻。網友睇到都表示阿Sa寶刀未老,動作仍然清脆利落。

相信大家心中,總有不少一直好想去嘅地方,如果大家好似阿Sa咁,去到夢想之地,大家又會有咩反應呢?

狂影相
影相留念絕對唔少得,有心思嘅人,係出發前已經諗定一大堆Pose或有趣的攝影方法同呢個夢寐以求的地方合照。

感動到喊
話晒都係自己由細到大都想去的地方,日盼夜盼盼咗咁多年,圓夢個陣真係令人感動到喊。

做出浪漫行為
圓夢固然好,如果有埋家人或愛人一齊陪你圓夢的話,相信大家都會忍唔住做出浪漫行為,好似錫錫或深深的擁抱。

相片來源:choisaaaa @ig