話時話:在職媽媽唔易做 4樣必須兼顧的重要事

謝安琪Kay同老公張繼聰育有一對仔女,而家都係老公主力賺錢養家,Kay都甚少係幕前出現。日前佢以老闆娘身份出席餐廳開張時,就話現階段佢好享受家庭生活,能夠每日同自己可愛嘅仔女相處係非常寶貴嘅時刻,因此唔會為復工設期限。Kay仲指佢其實都係啱啱生咗囡囡幾個月,都希望可以循序漸進慢慢回復番狀態。

其實時下好多女性即使做咗媽媽,都仍然希望可以出外工作,繼續自己嘅事業而唔係留係屋企做師奶,所以在職媽媽都有唔少野要兼顧,一啲都唔輕鬆。

儘快完成工作

在職媽媽需要每日堅持準時番工放工,亦避免將工作帶番屋企做。真係有需要嘅話,亦可以同上司傾點樣可以有個彈性啲嘅番工時間,或者係容許你在家工作,如果你係好員工嘅話,公司都應該會盡量配合嘅。

子女學習

在職媽媽最擔心一定係仔女嘅教育同學習,驚佢地學唔乖或者讀書成績唔理想。所以每日放工番黎都要親自同佢地對功課、溫書、傾下學校生活,有啲媽媽仲會專燈請假陪仔女溫書添。

家頭細務

每日已經好攰咁番到屋企,如果仲要去做家務嘅話真係頭都大埋,所以不如就考慮請番個家傭或者鐘點,咁就唔使咁辛苦。另外,當仔女大個啲嘅時候,更加可以叫埋佢地幫手,培養佢地獨立和有責任心之餘亦可當親子互動。

私人空間

就算點樣勤力同捱得都好,都總需要啲私人空間唞唞氣休息一下。不妨偶然拜託家人幫手照顧仔女,騰出時間同老公去街拍下拖,又或者做啲自己感興趣同放鬆嘅事。

相片來源:kaykayiskay@instagram