話時話:壓力人人有 點樣樂觀應付才是王道

今年25歲嘅何雁詩係4月時同鄭俊弘公開承認戀情後,傳出佢因為形象受損而被公司雪藏、更因為戀情壓力出現情緒問題而自殘。前日佢係instagram就貼咗一張著住白色背心嘅相寫住「Where do I go from here?」,仲hashtag咗唔少比較負面嘅字好似「feelingweak」、「stressed」,眼利嘅網民仲見到佢左手前臂有一道疑似傷口,留言話唔好自殘咁傻。過咗幾個鐘後佢就貼咗令一張相,就收起咗手臂內則,動作亦都唔太自然,似乎有意收埋疤痕。

其實不論係唔係藝人,我地係工作、生活、感情、家庭各方面都會遇到唔少難題同壓力,但無論點都好傷害自己都唔係一個好嘅解決方法。咁面對壓力時你又會點樣應付呢?

搵人傾訴

電視廣告都有話啦,辦法總比困難多。遇到難題同壓力時不妨搵老友或者閏密傾下計,講出黎點都舒服啲嘅,而且與其一個人轉牛角尖,聽下其他人嘅意見可能有用呢。

去個旅行

有時當你身邊嘅人同事都令你好苦惱、覺得好煩嘅時候,或者可以考慮去個旅行散下心。係新嘅環境底下,自然會變得輕鬆一點,而且係旅途當中更可能有新嘅體會。

轉移注意力

你可以選擇做多啲鍾意做嘅野轉移注意力,好似睇書、睇戲、聽歌、行街等。甚至,你亦可以去試下做啲平時唔會做、或者學新野好似係陶藝、書法,令自己忘記煩人嘅事。

放鬆心情

學識放鬆心情、調整心態係最重要。要知道每件事都未必能夠盡如人意,唔好事事都奢求完美,凡事要量力而為,只會做到無愧於心就可以啦。

 

相片來源:honganc@instagram