話時話:女生們最期待的情人節係點樣?

聽日就係情人節,大台播出新節目《1+1的深情》,搵嚟田蕊妮做主持,首集有「游生」袁文傑同「Jackeline姐姐」張潔蓮放閃,就係袁文傑送花給Jackeline,二人雖然拍拖7年,但男方從未送過花,今次為咗節目第一次炮製驚喜,係伴奏下唱出唱出走音版《追》,最後送鮮花一束,雖然明知係節目效果,但Jackeline姐亦感動落淚。

雖然作為女生,如果男友為咗工作關係而第一次送花,而且玩到咁大都唔係求婚,的確係有啲失望。但各位姊妹們,你又期待男友明天比咩驚喜自己呢?

浪漫求婚
拍拖幾年的話,而女生又臨近30歲,女方緊係想男方手持介指跪地求婚,無論係餐廳定屋企又或酒店房內,都一樣浪漫。

Plan好行程
有啲女仔好簡單,只係想男友Plan好當晚行程、Book好枱,送上有心意的禮物即可。

煮飯仔
唔想男友銀包受罪,兩口子可以一齊買餸,然後返屋企煮飯仔,平平凡凡過情人節。但大前題係,你地要有私人地方先得。

送花去Office
當日係女同事們「Show Off」的日子,希望男友可以訂一束靚盡全場的鮮花,比自己威下。

相片來源:TVB.com