話時話:如何搵一個令姊妹們都安心嘅老公

有時人愈大,愈難約好姊妹出嚟聚會,更何況係忙拍戲忙周圍飛的阿Sa蔡卓妍同阿嬌鍾欣潼。尋晚佢地兩個終於忙裡偷閒,有時間聚埋一齊食飯,除咗呢兩姊妹,重有兩位好可愛嘅小朋友同阿嬌老公賴弘國,而事後阿Sa係IG Post相,雖然相中只有兩姊妹同小朋友,而無賴弘國,但阿Sa好識做咁tag咗賴弘國,話多謝佢餐飯。

隨住年齡增長,姊妹團成員真係會愈來愈多,最初只有一班女生,之後會加入男友或老公,最後重有一大堆小朋友。咁究竟一個點樣的男人,先會得到姊妹們的歡心,放心將好姊妹交比佢呢?以下呢4點絕對不能少。

愛屋及烏

男友或老公除了要照顧另一半之外,眼見姊妹有事要幫,都會出手相幫,唔會座視不理。

唔好計到盡

平時出嚟食飯,男友要表現大方,無論行為舉止,定比錢個一刻,唔好一蚊一毫都同姊妹們計到盡。

細心暖男

姊妹們要判斷一個男人好與壞,的確係幾小心眼,所以男生應該要對另一半細心,事事尤如暖男般關心另一半,絕對可以攞曬分。

唔花心

對女生來講,一個忠直唔花心的男人真係愈來愈難搵,所以一個可靠的專一男,絕對係大家夢寐以求的伴侶。

相片來源:choisaaaa @tumblr