話時話:對的人係錯的時間出現 翻撻的3大原因

離離合合14年,42歲林志玲同40歲言承旭終於被影到證實翻撻,佢地二人被踢爆蜜遊吉隆坡出入同一酒店,又被網民捕捉着情侶裝打孖去健身室,言承旭昨認愛:「很開心聯繫上了,是真誠的互相關心,希望大家給點空間。」

講返二人戀情,2003年因為志玲被人影到去男方屋企令戀情曝光,不過之後又因為志玲手機唔見而令二人密照曝光,有傳女方被男方鬧到喊,繼而分手收場。二人分手後,分別都戀情緋聞,但都無個修成正果,而呢幾年亦成日傳出復合消息,但二人一於互相推嚟推去,死都唔認。不過點都好,二人兜兜轉轉終於一齊返,睇嚟志玲好快會擺脫黃金剩女呢個稱號。

大家又有無翻撻嘅經驗呢?好多時人活在常下,唔知自己已經擁有最適合自己的人和事,總係要放手往外尋求更好的,但往往尋尋覓覓先知道最初的才是最好。以下翻撻的原因,大家又認唔認同呢?

無可取代的感情
畢竟兩個人相處咗一段好長的時間,熟悉彼此的生活習慣同脾性,每每有新戀性都自自然然同前度比較,令人難以接受新事物。

對嘅人出現係錯的時間
幾時都話Timing好緊要,如果一個對的人太早出現,二人好易分手收場,但經過時間的洗禮,如果二人都重係available的話,兩個對的人自自然然係對的時候走返埋一齊。

還是覺得你最好
頭先都有講,人總有野心,年少時兩口子好似因少事而分手,但原來尋尋覓覓方發現,你係最好的。

相片來源:林志玲 Chiling Lin、言承旭Jerry@微博