話時話:掟煲唔掟蓋?再見亦是朋友的3大難處

賭王何鴻燊四房長子何猷亨同藝人陳瀅曾拍拖半年,去年7月正式分手,當時陳瀅形容二人關係係「情侶關係退後一步」。事隔一年多,最近有人影到佢地兩個喺中環天橋並肩睇煙花,仲有講有笑,同行重有兩個男性友人,令人懷疑二人復合。


究竟二人係唔係復合,暫時無人知,但有心水清網民覺得係一場宣傳技両。話說9月中陳瀅曾出席日本動畫電影《煙花,應該和誰看》宣傳活動,曾自爆同曾同男性朋友偷偷摸摸睇煙花,但睇完就同曇花一現無下文。而家電影正式上影,又咁啱十一國慶有煙花,仲唔襯機搵「好朋友」幫手宣傳下咩?


佢地自從分手後,一直都保持友好關係且互相幫忙,好似之前猷亨公司樓盤開賣及澳門選立法會,陳瀅都落力支持。不過講到再見亦是朋友,其實都唔係一件易事,以下呢個難訂你又有無同感?


現任介意
如果雙方都無現任當然不成問題,但如果任何一方已有新男女朋友,試問邊個現任會大方地唔介意你地聯絡或出街呢?


被人閒言閒語
過氣情侶keep住聯絡,總係比人覺得「掟煲唔掟蓋」,亦不時聽到「得閒友誼波」等難聽說話,都幾難受。


怕忍唔住心動
畢竟二人曾經有過一段美好時光,如果分手後繼續聯絡,藕段絲連的感覺可以令雙方更痛苦。